„ალდაგი ბისიაი“: ბაზარზე რევოლუციური პროდუქტი გამოგვაქვს

სადაზღვევო კომპანია „ალდაგი ბისიაის“ განცხადებით, ის ბაზარზე რევოლუციური სადაზღვევო პროდუქტის დანერგვას იწყებს.

კომპანიის ინფორმაციით, სიახლე მოსახლეობისთვის ჯანმრთელობის დაზღვევის სერიულ პროდუქტებს ეხება და ამ სიახლის შესახებ კომპანიის მენეჯმენტი სამშაბათს, 5 აპრილს, 13:00 საათზე, სასტუმრო „თბილისი მერიოტში“ პრეს–კონფერენციაზე ისაუბრებს.

ახალი პროდუქტი ხელმისაწვდომი იქნება და მოსახლეობა შეძლებს დაზღვევის შეძენას მაშინ, როდესაც ის სჭირდება. „პირველად საქართველოში „ალდაგი ბისიაიმ“ შექმნა პროდუქტი, რომლის შეძენაც შესაძლებელია სამედიცინო მომსახურების მიღებამდე 5 წუთით ადრე,“ – აცხადებენ კომპანიაში.

მათივე თქმით, 2011 წლის განმავლობაში კომპანია რამდენიმე უნიკალური სადაზღვევო პროდუქტის გამოშვებას გეგმავს