როგორ იქმნება სლოგანები
ზოგადად, სლოგანი არის კომპანიის სიტყვიერად გამოხატული დაპირება. იგი მომხმარებელს უნდა მივაწოდოთ რაც შეიძლება გასაგებად, მოციურად, დამაჯერებლად და ლოკალურად. ყურადღება უნდა მივაქციოთ სლოგანის სწორად შერჩევას და მის გრაფიკულ გამოხატულებას. იგი ხელს უწყობს შემდგომი ბრენდების წარმოჩენასა და კომპანიის წინსვლას. ასევე ყურადღება უნდა გამახვილდეს სლოგანის წარმოთქმაზე. ის ისე უნდა იყოს წარმოთქმული, რომ მაყურებელთა და მსენელთათვის შთამბეჭდავი და დასამახსოვრებელი დარჩეს. ამის ერთერთი ნათელი მაგალითია მსახიობ ნიკო გომელაურის მიერ გაკეთებული ლუდი ,,ნატახტარის” რეკლამა და სლოგანი ,,მერე რა, რომ ზამთარია”. არსებობს კომპანიები, რომლებსაც არ გააჩნიათ თავიანთ საქმიანობასთან შეხამებული სლოგანი, რაც მეტ წილად ასუსტებს და აფერხებს პროდუქციის რეალიზებას. ამიტომ, საჭიროა, შეიქმნას ისეთი სლოგანები, რომლებიც გაიგივებული იქნება ფირმის საქმიანობასთან. სპეციფიკურ ხმას საჭიროებს სლოგანი, როცა წარმოითქმება ტელე ან რადიო საშუალებით. ალბათ, ბევრი თქვენგანი დააკვირდებოდა სლოგანებს ტელევიზიის საშუალებით, რომლებსაც წარმოთქვამენ ბავშვები. ბავშვის ხმა მეტად შთამბეჭდავია მსმენელისათვის და უნერგავს გონებაში შესაბამისი ბრენდის შესახებ ინფორმაციას. ამიტომაც, ხშირია შემთხვევები, როდესაც კომპანიები იყენებენ ბავშვის ხმას. ნებისმიერი ფირმა, რომელიც დაკავებულია პროდუქციის რეალიზებით, დიდ აქცენტს აკეთებს საიმედოობაზე. მომხმარებლისათვის მიწოდებული პროდუქცია უნდა იყოს საიმედო და სანდო. სწორედ ასეთ შემთხვევებში, უნდა შეიქმნას იმ სახის სლოგანი, რომლის შინარსი შეიძლება მწირ ინფორმაციას მოიცავს ამ ბრენდზე, მაგრამ ნდობის ფაქტორს აღუძრავს მომხმარებელს. სპეციფიკური ხმის საშუალებით ხდება ბრენდის პოპულარიზება. ამ შემთხვევაში მსმენელის ყურადღება ექცევა არა იმას, თუ რა სახის პროდუქციაზეა საუბარი, არამედ ვის მიერაა გაკეთებული რეკლამა. სლოგანი ყოველთვის უნდა ამართლებდეს იმ დაპირებას, რომელსაც ფირმა მომხმარებელს სთავაზობს. ფირმა უნდა გახდეს ხიდი მომხმარებლიდან პროდუქციამდე.
ქართული სლოგანები
ზოგიერთი კომპანიის სლოგანი, აზრობრივად, მონოპოლიურ შთაბეჭდილებას ტოვებს ანუ სლოგანით ნათქვამია, რომ სწორედ მის პროდუქციაზე უნდა შეაჩერო არჩევანი თუ ეძებ საუკეთესოს. მაგ: შ.პ.ს ‘’თეგეტა მოტორსი’’-ს სლოგანი — ,,დროა აირჩიო ხარისხი’’ და ,,დროა შეაბიჯო სრულიად განსხვავებულ სამყაროში’’. თვალსაჩინო სლოგანის მაგალითებია: 1) ს.ს. ,,თიბისი ბანკი”–,,ჩვენ ვაძლიერებთ ერთმანეთს’’. 2)ს.ს. ,,ტაოპროვატბანკი” – ,,თქვენი საყრდენი წერტილი’’. 3) ,,ჯეოსელი” – ,,თქვენი ქსელი — ჯეოსლი’’. 4) ,,ვისოლ პეტროლიუმ ჯორჯია” – ,,ჩვენი საწვავით შორს წახვალთ’’ და ა.შ. თითოეული კომპანია მომხმარებელს სთავაზობს, რომ სწორედ მათს პროდუქციაზე გააკეთონ არჩევანი. ხშირად ხალხს კომპანიის მაგივრად ამახსოვრდება მისი სლოგანი და სწორედ ამ ქვეცნობიერი მეხსიერების შედეგად აკეთებს მასზე არჩევანს შეძენის დროს. თითოეული კომპანიის სლოგანი ორიენტირებულია მხოლოდ საზოგადოებაზე, ამახსოვრებს და არწმუნებს, რომ მხოლოდ ისაა საუკეთესო. მომხმარებელზე დიდ ზეგავლენას ახდენს სლოგანის ხშირი განმეორება, ჩვენება თუ მოსმენა, რაც მათს გონებაში იბეჭდება. განვიხილოთ თითოეული მათგანი:1) სლოგანები საბანკო სფეროდან: ა),,თიბისი ბანკი” – ,,ჩვენ ვაძლიერებთ ერთმანეთს” და სს ,,ტაოპრივატბანკი” – ,,თქვენი საყრდენი წერტილი’’. როგორც ვიცით, ბანკის მთავარი ამოცანაა კეთილგანწყობილი, საიმედო და დროული მომსახურეობა გაუწიოს მომხმარებელს. ორივე ბანკის სლოგანის შინაარსი მიუთითებს თავის მომხმარებელს, რომ სწორედ ეს უმთავრესი უპირატესობები გააჩნია მას. მომხმარებელს შეუძლია საიმედოდ და კომფორტულად განკარგოს თავისი ფულადი სახსრები და დაეყრდნოს ბანკის კვალიფიციურობასა და გამოცდილებას.2) ჯეოსელი – ,,თქვენი ქსელი ჯეოსელი’’. ერთერთი უმსხვილესი და ფართოდ გავრცელებული მობილური ოპერატორი, რომელსაც დიდი ადგილი უკავია მობილურ ბაზარზე. ხშირი რეკლამები, სწორად შერჩეული სლოგანი და მრავალი ინოვაცია გახდა საწინდარი მილიონობით ადამიანის დაინტერესებისა და ამ ქსელში ჩართვის. ტელეაფიშირების დროს გამოყენებულია მკვეთრად დასამახსოვრებელი ფონი-იასამნისფერი, რაც სლოგანს მკვეთრ გამოსახულებას აძლევს და შთამბეჭდავს ხდის. ამიტომ, ტელეაფიშების შემთხვევაში, სლოგანის შექმნისას, დიდი ყურადღება უნდა მიექცეს ფონისა და მუსიკალური მხარის შეხამებას. 3) ფარმაცევტული კომპანია ,,PSP’’ – ,,ჩემი ოჯახის აფთიაქი’’. ასევე კონკურენტუნარიანი ფირმაა ფარმაცევტულ ბაზარზე. სარეკლამო ბაზარზე მათი სლოგანი დიდ მოწონებას იმსახურებს, რადგან მათს გახმოვანებაში დიდი ყურადღება ექცევა ცნობილ სახეებს, მსახიობებსა თუ ესტრადის ვარსკვლავებს. ეს ყველაფერი მარკეტინგულად ისეა შესწავლილი და განხორციელებული, რომ მომხმარებლის თვალსა და ყურს ადვილად იპყრობს და ინტერესს იწვევს. ამ ფირმის სლოგანი თვალსაჩინო მაგალითია იმისა, თუ რაოდენ დიდი მნიშვნელობა ენიჭება სლოგანის მთქმელს. იმედია, ამგვარი მაგალითებითა და მარტივი ენით დაწერილი სტატია ბიზნესითა და საზოგადოებასთან ურთიერთობების ტექნოლოგიებით დაინტერესებლ პირთა ყურადღებას მიიპყრობს და დაეხმარება მათ თავიანთი საქმიანობის წარმართვაში.
ავთანდილ ნიკურაძე