გადასახადების გადახდის სიმარტივით საქართველო 61-ე ადგილზეა

გადასახადების გადახდის სიმარტივით საქართველო 183 ქვეყანას შორის 61-ე ადგილზეა. ყოველწლიურ რეიტინგი მსოფლიო ბანკის და საერთაშორისო საფინანსო კორპორაციის მიერაა შედგენილი, რომელშიც საქართველომ წინ სამი საფეხურით წაიწია. რეიტინგის ავტორები მსოფლიოს 183 ეკონომიკაში როგორც გადასახადების სიმარტივეს, ასევე ადმინისტრაციულ ნაწილს იკვლევენ.

დგინდება, როგორ შეიცვალა საგადასახადო რეჟიმები სხვადასხვა ქვეყნებში, რამდენი დღე სჭირდება საშუალოდ ერთ კომპანიას გადასახადების გადახდისთვის. რეიტინგის ლიდერი მალდივია, ხოლო ბოლო ადგილს ბელორუსი იკავებს.

საქართველოს მეზობელი სომხეთი 159-ე ადგილზეა, აზერბაიჯანი 103-ზე, უკრაინა 181-ზე, რუსეთი კი 106 ადგილს იკავებს. საქართველო იმ 10 ქვეყანას შორისაც მოხვდა, სადაც საგადასახადო ტვირთი მსუბუქია.