"მოითხოვე "სამსუნგის” მობილური მხოლოდ ჰოლოგრამით!”

სამსუნგი” საქართველოს ბაზარზე მობილური ტელეფონების ფალსიფიკატორებთან იწყებს ბრძოლას. "მოითხოვე "სამსუნგის" მობილური მხოლოდ ჰოლოგრამით" - ეს იმ ახალი კამპანიის სლოგანია, რომლის მეშვეობითაც "სამსუნგი" მობილური ტელეფონების ქართველ მომხმარებელებს ფალსიფიცირებული პროდუქციისგან დაიცავს. 2010 წლის 13 ოქტომბერს, სასტუმრო თბილისი "მარიოტში" სწორედ ამ ჰოლოგრამების პროექტის პრეზენტაცია შედგა. "სამსუნგის" წარმომადგენელი ოჰ სუნგ კიმი საქართველოში "სამსუნგის" ოფიციალურ დილერებს და სავაჭრო ქსელების წარმომადგენლებს შეხვდა და ჰოლოგრამების მნიშვნელობაზე ესაუბრა. "სამწუხაროდ საქართველოს ბაზარზე ყველაზე გაყიდვადი ჩინური წარმოების უსახელო ტელეფონებია, რომლის გამოსხივებაც ადამიანის ჯანმრთელობისათვის საკმაოდ სახიფათოა. სამხრეთ კორეაში, სპეციალურად საქართველოს ბაზრისთვის, დაბეჭდილი ჰოლოგრამების მეშვეობით ქართველ მომხარებელს ექნება საშუალება ნამდვილი, ორიგინალი "სამსუნგი" გაარჩიოს ფალსიფიცირებულისაგან. ჩვენს მიერ წარმოებულ ყველა მობილურს, რომელიც საქართველოს ბაზრისთვისაა გათვლილი აუცილებლად ჰოლოგრამა ექნება" - განაცხადა "სამსუნგის" წარმომადგენელმა ოჰ სუნგ კიმმა. ჰოლოგრამების გავრცელება მკაცრად კონტროლდება. ამას უამრავი დაცვის მექანიზმიც აქვს. ჰოლოგრამებს კომპანია "სამსუნგი" კორეაში აწარმოებს. "სამსუნგის" მობილური ტლეფონი, რომელსაც ჰოლოგრამა არ აქვს, ის ან ფალსიფიცირებულია, ან სხვა ბაზრისთვის განკუთვნილი პროდუქტია, რაც იმას ნიშნავს, რომ მას არ მოყვება ჩვენი რეგიონის შესაბამისი პროგრამული უზრუნველყოფა, რაც როგორც წესი მისი ზოგიერთი ფუნქციის არასათანადო მუშაობას იწვევს და რაც ყველაზე მთავარია, არ აქვს ქარხნული გარანტია. პრეზენტაციის ფარგლებში "სამსუნგმა" დილერებსა და სავაჭრო ქსელების წარმომადგენლებს მობილურის უახლესი მოდელიც წარუდგინა – Samsung wave 525, Wave II (S8350), Duos Sorrento (B7722), Galaxy S (I9000), Champ (C3300), Galaxy TAB (P1000) ქართველი მომხარებელი ამ მოდელებს საცალო ქსელში უახლოეს მომავალში იხილავს.

წყარო: www.onlinenews.ge

რეკომენდირებული სტატია: მცირე ბიზნესი – პანაცეა თუ აუცილებლობა?