Home »

Mitsubishi კრიზისის გამო ევროპაში წარმოებას აჩერებს


Mitsubishi პირველი იაპონური კომპანია გახდა, რომელმაც კრიზისის გამო ევროპაში წარმოების შეჩერება გადაწყვიტა.
The Wall Street Journal-ის ინფორმაციით, კომპანიამ უკვე განაცხადა, რომ მიმდინარე წლის ბოლოს ნიდერლანდებში არსებულ საწარმოს გააჩერებს, თუმცა Netherlands Car BV (NedCar) Mitsubishi-ს ქარხნის დახურვას არ გეგმავს. შესაძლოა, მენეჯმენტმა ქარხნის გაყიდვა გადაწყვიტოს.
ფინანსური კრიზისის გარდა ევროპის ქვეყნებში წარმოებას ძლიერი იენაც ართულებს, რომელიც იაპონიის ექსპორტს პრობლემებს უქმნის, რადგან წარმოება ძალიან ძვირადღირებული გახდა.
Mitsubishi აპირებს, ყურადღების ფოკუსირება განვითარებად ბაზრებზე გადაიტანოს. მაგალითად, მარტში კომპანია ტაილანდში ახალ საწარმოს ხსნის.
კატეგორია: ,