ეკონომიკის სამინისტრო სტუდენტებისთვის ბიზნესპროექტს იწყებს

ეკონომიკისა და მდგრადი განვითარების სამინისტრო ახალი ინიციატივით გამოდის. სტუდენტებისათვის ბიზნესპროექტი "ახალი ინიციატივა" იწყება, რომლის ფარგლებშიც სხვადასხვა უნივერსიტეტის სტუდენტს საშუალება ექნებათ მოამზადონ საინვესტიციო პროექტები, რომლებიც შემდგომ პოტენციურ ინვესტორებზე იქნება შეთავაზებული.
ეკონომკისა და მდგრადი განვითარების მინისტრის ვერა ქობალიას განმარტებით, ამ დროისათვის თანამშრომლობა 6 უნივერსიტეტთან შედგა. მისი თქმით, სტუდენტების ჯგუფებს სამინისტროს 13 მარტს შეხვდება და დისკუსია გაიმართება, სამინისტროს ახალი ინიციატივის შესახებ. როგორც ვერა ქობალიამ აღნიშნა, ინიციატივა გულისხმობს სტუდენტების მიერ ბიზნეს-გეგმების დამუშავებას, რომელიც შემდგომ დაინტერესებულ ინვესტორებს გადაეცემათ.
"ეს სტუდენტებს მომავალში ინვესტორებთან თანამშრომლობისა და დასაქმების საშუალებას მისცემს. ყურადღება გამახვილდება ტურიზმის განვითარების, ექსპორტისა და პროდუქციის ხელშეწყობის საკითხებზე", - განაცხადა ვერა ქობალიამ.
მისივე თქმით, სტუდენტების მიერ წარმოდგენილი ბიზნეს-პროექტების საბოლოო პრეზენტაცია 10 მაისისთვის იგეგმება.