Home »

საქართველოში კრედიტები მსოფლიოში ერთ–ერთი ყველაზე მიუწვდომელია

ზურაბ გვასალია: ბანკები განაკვეთებს საკუთარი ინტერესების საზიანოდ ვერ შეამცირებენ
რადიო "კომერსანტი," FM 95,5 
საქართველოში საბანკო კრედიტები მსოფლიო მასშტაბით ერთ-ერთი ყველაზე მიუწვდომელია. კრედიტების ხელმისაწვდომობის რეიტინგი „მსოფლიო ეკონომიკურმა ფორუმმა“ გამოაქვეყნა, სადაც საქართველო 139 ქვეყნიდან 125-ეა. ეს ინფორმაცია საპარლამენტო უმცირესობის წევრთა კრიტიკული განცხადებების მიზეზი გახდა. გურამ ჩახვაძის თქმით, "მეწარმისთვის ბიზნესის დასაწყებად საჭირო თანხის მოძიება ფაქტობრივად შეუძლებელია. სახელმწიფო მეწარმეთა დახმარებაზე უარს ამბობს, ხოლო კომერციული ბანკები სესხს ფაქტობრივად არ გასცემენ".
საბანკო ასოციაციაში აღიარებენ, რომ დღეს ყველაზე ხელმიუწვდომელი აგრო-სესხებია. ასოციაციის პრეზიდენტის განცხადებით, თუ კომპანიას კარგი ბიზნეს-გეგმა აქვს და მოთხოვნებს აკმაყოფილებს, მისთვის კრედიტიც ხელმისაწვდომია, თუმცა ზურაბ გვასალიას თქმით, აგრო-სექტორში პრობლემები მართლაც არის და ამ საკითხზე მთავრობა, კომერციული ბანკები და სადაზღვევო კომპანიები ერთობლივად მუშაობენ. მისივე თქმით, საქართველოში სხვა ქვეყნებთან შედარებით კრედიტები ძვირია, თუმცა ეს არის რეალური ფასი ბანკების მიერ მოზიდული სახსრებისა და არსებული რისკებისა. გვასალია დასძენს, რომ კომერციული ბანკები საკუთარი ინტერესების საზიანოდ ერთბაშად საპროცენტო განაკვეთებს ვერ დააგდებენ, რადგან მათაც ვალდებულებები აქვთ.
ამასთან, ბანკების საკრედიტო პორტფელი მოწმობს, რომ ზოგადად ბიზნესისთვის კრედიტები ხელმისაწვდომია.


კატეგორია: