თამუნა შონია, ანაკლია-მესტია
,,აღნიშნულ კურორტებს განვითარების დიდი პოტენციალი გააჩნიათ”, - ასე განაცხადა პრეზიდენტმა მიხეილ სააკაშვილმა, ესპანელ არქიტექტორებთან ერთად კურორტების დათვალიერების შემდეგ.
სამეგრელო-ზემო სვანეთის გუბერნატორის მოადგილის ალექსანდრე ახვლედიანის განმარტებით, პროექტის იდეა მთლიანად პრეზიდენტს ეკუთვნის.
,,პრეზიდენტმა როცა ანაკლია-მესტიის პროექტის გაჟღერება დაიწყო, თავიდან შემეშინდა ამ სიდიდის პროექტის განხორციელება რამდენად რეალური შეიძლებოდა ყოფილიყო, ახლა უკვე ვხედავ, თუ რა ისტორიული მომენტის წინაშე ვდგავართ”.
ალექსანდრე ახვლედიანის თქმით, ანაკლიის პროექტი ,,მეგა კატეგორიის დონის პროექტია“, რომელიც მიზნად ისახავს ახალი საკურორტო ქალაქის მშენებლობას მთელი თავისი ინფრასტრუქტურით. 
ამ პროექტის ფარგლებში დაგეგმილია რამდენიმე სამშენებლო-სარეაბილიტაციო ღონისძიების განხორციელება. პროექტი ითვალისწინებს ანაკლიაში 4,1კმ. სანაპირო ზოლის განაშენიანებას, მრავალმოდულიანი სასტუმრო კომპლექსების, თანამედროვე აკვაპარკის, ბარებისა და რესტორნების, სპორტული კომპლექსების, ტურისტულ-რეკრეაციული ინფრასტრუქრურის, ბუნებრივი პარკის, ზღვის წყლის ლაგუნა პარკის, თანამედროვე საავტომობილო გზების მშენებლობას.
მესტიაში კი გეგმის მიხედვით სათხილამურო კურორტი მოეწყობა, უნივერსალური სათხილამურო ტრასებით როგორც დამწყებთათვის, ასევე პროფესიონალებისთვის. გაკეთდება ორი ახალი საბაგირო გზა, იგეგმება თანამედროვე და საშუალო ზომის სასტუმროების მშენებლობა, აშენდება ოლიმპიური დონის ღია ყინულის მოედანი, ორი უთანამედროვესი სათხილამურო დასაშვები ტრასა, სატრანსპორტო აეროპორტი და იქნება ტაქსი ვერტმფრენები.
პროექტის უმთავრესი მიზანი, პრეზიდენტის განმარტებით, ამ ორი დასასვენებელი ადგილის, ზღვის და მთის ერთმანეთთან დაკავშირებაა.
,,ადამიანი რომელიც ანაკლიის ზღვაში იბანავებს ორ საათში შეძლებს ავიდეს  უშბას პლატოზე და თხილამურებზე დადგეს, მობეზრების შემთხვევაში ისევ ჩამოვიდეს ანაკლიაში და ზღვაში იბანაოს”, - ოცნებობს ალექსანდრე ახლვლედიანიც.
ანაკლიაში რამდენიმე კვირის წინ სამი ხუთვარსკვლავიანი სასტუმროს მშენებლობა უკვე დაიწყო. სასტუმროები კერძო ინვესტიციებით შენდება, აქედან ერთს სახელმწიფო თავისი სახსრებით აშენებს.
პრეზიდენტმა პირდაპირი მისყიდვის წესით შპს “ანაკლიას” გადასცა გარკვეული რესურსები და ამ კომპანიამ უნდა შეძლოს ხუთი წლის განმავლობაში ექვსი მილიარდი დოლარის ინვესტიციის მოზიდვა.
,,ამავე შპს-ემ უნდა განახორციელოს ევროპაში ერთ-ერთი უდიდესი პორტის მშენებლობა და რაც მთავარია, უნდა უზრუნველყოს 15 ათასი ადამიანის დასაქმება. ინვესტორების კონკრეტული ვინაობა ჯერ არ ვიცით, დაინტერესება ძალიან დიდია, მათ შორის არიან არაბი ბიზნესმენები, ამერიკელები, ინგლისელები და ყოფილი საბჭოთა კავშირის სხვადასხვა ქვეყნის ბიზნესმენები, ამიტომ, ჯერჯერობით, კონკრეტული გამოკვეთილი ბიზნეს ჯგუფი უცნობია”,- ამბობს გუბერნატორის მოადგილე ალექსანდრე ახვლედიანი.
,,2012 წლის ბოლოს ანაკლია გახდება სუპერ თანამედროვე ევროპული ზღვისპირა ქალაქი, რომელიც იქნება როგორც საკურორტო დატვირთვის, ასევე იქნება ძალიან სერიოზული ეკონომიკური ბერკეტი ჩვენი ქვეყნისათვის. სულ მალე ანაკლიაში ცხოვრება ძალიან პრსეტიჟული გახდება”- დასძენს იგი.
გუბერნატორის  მოადგილისგან განსხვავებით, ანაკლიაში მიწის ნაკვეთების მეპატრონეებმა, უბრალო ადამიანებმა, არ იციან გაიხარონ თუ შეშფოთდნენ ხელისუფლების ახალი გეგემების გამო.
თემურ კოდუა ერთ-ერთი იმათთაგანია, რომელმაც 1995 წელს ანაკლიაში ერთი ჰექტარი მიწის ნაკვეთი შეიძინა და ოფიციალურად საჯარო რეესტრში გააფორმა. საგულდაგულოდ შენახული გერბიან-ნახაზიანი, ბეჭდით დამოწმებული დოკუმენტი, ყალბი, მიწა კი უკანონოდ გაყიდული აღმოჩნდა და თემურსაც ანაკლიაში მცირე ბიზნესის წამოწყების იდეა გაუცრუვდა.
,,მოსკოვიდან ახალი ჩამოსული ვიყავი, დაგროვილი თანხით გადავწყვიტე უძრავი ქონება შემეძინა და ანაკლიაშიც ვიყიდე მიწა. დღეს მეუბნებიან, რომ ეს მიწა მაშინ თურმე უკანონოდ შემიძენია, საჯარო რეესტრში იმ საბუთების გარდა, ისეთი რაღაცეები მომთხოვეს რაც არ მქონდა. მაშინ თუ იყო კანონიერი, ახლა რატომ გახდა უკანონოდ შეძენილი”,- ამბობს იგი.
ჟ. სორდიამ გასულ ზაფხულს გაყიდა ანაკლიაში ბებიას ნაჩუქარი ნახევარი ჰექტარი მიწა. მან აღებული თანხით ძმისშვილის ოპერაციის თანხა გადაიხადა.
,,სასწრაფოდ გავყიდე მიწა ანაკლიაში, ბავშვისთვის ოპერაცია უნდა გაგვეკეთებინა. კმაყოფილები ვართ იმით, რომ ბავშვი სიკვდილს გადავარჩინეთ, მაგრამ ვშიშობ, რომ ეს თანხა უკან მექნება ჩემი მიწის მყიდველისთვის დასაბრუნებელი, რადგან საკუთრებაში მყოფი მიწის ნაკვეთების ჩამორთმევა ხდება. თუ მაშინ უკანონოდ შევიძინეთ, ახლა ხალხს დარეგისტრირების საშუალებასაც არ აძლევენ”.
ალექსანდრე ახვლედიანის თქმით, გამოიყოფა სპეციალური კომისია, რომელიც ყველა საქმეს შეისწავლის და მოხდება შესაბამისი რეაგირება.
,,ვინმემ თუკი თავის დროზე უკანონოდ შეიძინა სახელმწიფო მიწები ანუ კანონდარღვევით, ბუნებრივია ეს საქმეები ყველა შესწავლილი იქნება და კანონდარღვევით მითვისებული მიწები დაექვემდებარება ექსპლუატაციას.
სახელმწიფო მიწა თავის ქონებას ბრუნვაში აუცილებლად დაიბრუნებს”, - ამბობს ახვლედიანი.
,,სხვანაირად არ ხდება ააშენო ქალაქი ისე, რომ იქ ძროხამაც იბალახოს, გვერდით სიმინდის ყანებიც იყოს და ამის ფონზე ულტრათანამედროვე ქალაქი გვქონდეს. ადგილობრივების ყველა ის მიწის ნაკვეთი, რომელიც არის კერძო საკუთრებაში კანონიერად და ჩვენ მოგვიწევს მისი ტერიტორიის სარგებლობა ამ შემთხვევაში შესაბამისი კომისია იმუშავებს, შეუფასედბა რა რაოდენობის ზარალი მიადგა ამის შედეგად და ის აუცილებლად იქნება კომპენსირებული“, - აცხადებს გუბერნატორის მოადგილე.
ზუგდიდის მუნიციპალიტეტის ეკონომიკისა და ინფრასტრუქტურის სამსახურის უფროსი თემგიზ ქობალია აცხადებს, რომ მას შემდეგ, რაც ახალი კანონი ადგილობრივი თვითმართველობის შესახებ ამოქმედდა, ეს მიწები გამგეობის დაქვემდებარებაში აღარ შედის. სასოფლო სამეურნეო მიწები ეკონომიკის სამინისტროს დაქვემდებარებაში გადავიდა.
ჩამორთმეული ან კანონიერად დაბრუნებული მიწების სანაცვლოდ ხელისუფლება მოსახლეობას 15 ათას სამუშაო ადგილს პირდება.
ანაკლიაში ინტენსიური ტემპით მიმდინარეობს უზარმაზარი ულტრათანამედროვე დონის სამი სასტუმროს მშენებლობა. სახელმწიფო დაფინასებით ერთ სასტუმროს ადგილობრივი კომპანია შპს “სანი” ასრულებს. კომპანიის დირექტორის სერიოჟა გვარამიას თქმით, ამ ეტაპზე კარკასს აშენებენ და სულ 100-მდე მუშაა დაკავებული.
,,უფრო მეტი მუშა ხელის საჭიროება დღითიდღე იზრდება, სამუშაოები მაღალი ტემპებით მიმდინარეობს, მუშების ხელფასი 500 ლარზე ნაკლები არ არის“, -გვითხრა შპს “სანის” დირექტორმა.
,,დიდი ხანია რაც ამბობდნენ, რომ ანაკლიაში ძალიან მაგარი მშენებლობეი დაიწყებოდა. ჩვენი სოფელი ყველასგან მიტოვებული იყო, არავინ არასდროს არ გვაქცევდა ყურადღებას. ახლა მე ის უფრო მირჩევნია ჩემი სასიმინდე ყანის ადგილას უზარმაზარი სასტუმრო ააშენონ, რადგან მეც დამასაქმეს და ჩვენი მომავლისთვისაც ასე აჯობებს. 400 ლარი ერთად კარგა ხანია არ მინახავს, ახლა თვის ბოლოს კი ამ თანხას ოჯახში წავიღებ”, - ამბობს ანაკლიის მკვიდრი 37 წლის დათო წყაროზია.

სრულად ნახვა…

სრულად ნახვა…

ტოპ 5 კრუიზი დაწვრილებით ინფორმაცია იხილეთ სრულიადში. 1. Costa Serena დებიუტი შედგა 2007 წელს; იწონის112,000 ტონას, ერთდოულად გადაყავს მაქიმუმ 3,000 მგზავრი; მოგზაურობს ევროპაში. 2. Norwegian Gem დებიუტი შედგა 2007 წლის ოქტომბერში, წონა 93,000 ტონა, ერთდორულად გადაყავს 2,380 მგზავრი , მოგზაურობს ევროპაში,ბაჰამასა და ფლორიდაში. 3. Queen Victoria დებიუტი შედგა 2007 წლის დეკემბერში,წონა 90,000 ტონა,ერთდროულად გადაყავს 1,990 მგზავრი,მოგზაურობს ევროპასა და აზიაში. 4. MSC Poesia დებიუტი შედგა 2008 წელს, წონა 89,000 ტონა, ერთდროულად გადაყავს 2,550 მგზავრი,მოგზაურობს ევროპაში. 5. Independence of the Seas დებიუტი შედგა 2008 წლის აპრილში; წონა 160,000 ტონა, ერთდროულად გადაყავს 3,634 მგზავრი;მოგზაურობს ევროპაში.

სრულად ნახვა…

2010 წლის 6 თვეში, საქართველოს 782 932 ვიზიტორი ესტუმრა, რაც წინა წლის ანალოგიურ მაჩვენებელზე 36,4%-ით მეტია. 2010 წლის 6 თვეში, ევროპის ქვეყნებიდან საქართველოში 753 106 ვიზიტორი შემოვიდა (შემოსულ ვიზიტორთა 96,2%), რაც გასულ წელთან შედარებით 35,9%-ით მეტია.

მიმდინარე წლის 6 თვეში, ამერიკიდან შემოვიდა 9 677 ვიზიტორი (შემოსულ ვიზიტორთა 1,2%), რაც 2009 წლის 6 თვის ანალოგიურ მაჩვენებელზე 27,5%-ით მეტია, აზიის ქვეყნებიდან - 17 289 ვიზიტორი (შემოსულ ვიზიტორთა 2,2%), რაც წინა წლის ანალოგიურ მაჩვენებელს 60,6%-ით აღემატება, აფრიკიდან - 1 079 ვიზიტორი (შემოსულ ვიზიტორთა 0,2%), რაც გასული წლის მაჩვენებელს 208,3%-ით აღემატება, ხოლო დანარჩენი მსოფლიოდან – 1 781 ვიზიტორი (ვიზიტორთა 0,2%), რაც 2009 წლის 6 თვის მაჩვენებელზე 59,5%-ით მეტია.

2010 წლის 6 თვეში, დსთ-ს ქვეყნებიდან შემოსულია 474 450 ვიზიტორი (ვიზიტორთა 60,6%), რაც 2009 წლის 6 თვის ანალოგიურ მაჩვენებელზე 37%-ით მეტია.

დსთ-ს ვიზიტორთა უდიდესი ნაწილი აზერბაიჯანზე მოდის. კერძოდ, აზერბაიჯანიდან შემოვიდა 223 159 ვიზიტორი (დსთ-ს ქვეყნების ვიზიტორთა 47%), რაც გასული წლის 6 თვის ანალოგიურ მაჩვენებელს 34,3%-ით აღემატება, ხოლო სომხეთიდან - 159 495 ვიზიტორი (დსთ-ს ვიზიტორების 33,6%), რაც გასულ წლის 6 თვეს-თან შედარებით 45,7%-ით მეტია.

საქართველოს ეკონომიკისა და მდგრადი განვითარების სამინისტრ

სრულად ნახვა…

თუ თქვენ ცხოვრობთ საკურორტო რეგიონში, ან თქვენს ახლოს არის საბანაო ადგილი, რომელიც პოპულარობით სარგებლობს დამსვენებლებში. თქვენ გაქვთ შანში შექმნათ საკუთარი ბიზნესი. ლაპარაკი მიდის "წყლის ატრაქცუონზე"_"GidroSfera"-ზე საერთოდ ამ ატრაქციონის დანახვისას ყველას უნდება გაერთოს ამ სფეროთი და დიდი რიგები ჩნდება ხოლმე. ასე რომ ამ ბიზნესის არაპოპულარობაზე შეგიძლიათ არ ინერვიულოთ.
"GidroSfera"_ ეს ერთობ ორიგინალური გასართობია. ამ სფეროს დახმარებით ყველას შეუძლია "ირბინოს წყალზე".იგი შექმნილია ადამიანისთვის ჯამრთელობისათვის აბსოლიტურად უსაფრთხო მასალისაგან. ატრაქციონის პრინციპი მარტივია: ადამიანი ჯდება სფეროში და მერე თავის ნებაა ირბენს ივლის თუ საერთოდ წამოწვება. სფეროს დიამეტრი 1,80 მ-ზე უფრო მეტია, რაც საშუალებას იძლევა ამ გასართობით ისარგებლოს მაღალმა ადამიანებმა. მანქანის საბარგულში ასეთი სფერეობი შეიძლება რამოდენიმე მოთავსდეს.
იმისათვის, რომ განხორციელდეს იდეა გჭირდებათ:
1. წყალი(ზღვა,ტბა და ა.შ.შ.)
2."GidroSfera"-ერთი ან რამოდენიმე
3.გასაბერი მოწყობილობა სფეროსთვის.
შრის ღირებულება დააახლოებით 1300დოლარია, რაც შეეხება შემოსავალს ამ შარს 10წ აქირავებ 5ლარად(გააჩნია რეგიონს, კონკურენცია ა.შ.შ) შეიძინეთ ისეთი მაჯის საათი რომელიც წყალში არ ფუჭდება, რათა აკონტროლონ დრო კლიენტებმა. ასევე ყველანარი ნივთი კლიენტს დაატოვებინეთ ნაპირზე, რომელთაც თქვენ საიმედოდ შეინახავთ.

წაემატებები ბიზნესში!!!


Www.zaqro-biznesi.blogspot.com

სრულად ნახვა…