თაფლის ბიზნესი

თაფლი ყველას უყვარს, მაგრამ ხარისხიანი თაფლის შეძენა პრობლემატურია. უმეტესობა ამას შინაურებში ცდილობს, რადგან მაღაზიებში ხარისხიანი პროდუქცია ცოტაა და ისიც მხოლოდ შეზღუდული რაოდენობის სავაჭრო ობიექტებში.

შეგიძლიათ დაიწყოთ ბიზნესი, რომლის იდეა მომხმარებლისთვის ხარისხიანი თაფლის მიწოდება იქნება.
ამ ბიზნესის დასაწყებად ნუ იფიქრებთ სკების ყიდვაზე, ადგილის მოძიებასა და თაფლის წარმოებაზე.

თუ მოაგროვებთ სხვადასხვა სახეობის, ხარისხიან თაფლს საქართველოს სხვადასხვა რეგიონში, დააფასოებთ ლამაზად და სუფთად, რამე ბრენდსაც მოიფიქრებთ და ეტიკეტსაც მიაკრავთ, ხალხისთვის სასიკეთო საქმესაც გააკეთებთ და სტაბილური შემოსავლის წყაროსაც იშოვით.

1 კგ თაფლის შოვნას, სტაბილური და მსხვილი პარტნიორობის შემთხვევაში, დაახლოებით 8 ლარად მოახერხებთ, დაფასოება ნორმალურ ქილებში (პლასტმასის, ან შუშის) 50 თეთრამდე ეღირება ეტიკეტის ჩათვლით, დამატებითი ხარჯებისთვის კიდევ  50 თეთრი და საბოლოოდ 1 კგ 9 ლარი დაგიჯდებათ. მომხმარებლების ნდობის ამაღლების კვალდაკვალ 1 კგ თაფლის რეალიზაციას საშუალოდ 12 ლარად შეძლებთ.

თვეში 500 კგ თაფლის რეალიზაციისას შემთხვევაში თქვენი მოგება საშუალოდ 1000 ლარი იქნება.

ამ რაოდენობის ნუ შეგეშინდებათ, რადგან, სტატისტიკით, საქართველოში ორი მილიონი კილოგრამამდე თაფლი იწარმოება და მოიხმარება. ეს ნიშნავს, რომ, კარგი მუშაობით, გაცილებით მეტის რეალიზაციას შეძლებთ, ვიდრე თვეში 500 კილოგრამია.

დაიმახსოვრეთ, ამ ბიზნესის წარმატების მთავარი საწინდარი ერთი პრინციპის დაცვაა: არასოდეს ეცადოთ დამატებითი მოგების მიღებას ხარისხის გაუარესების ან კლიენტის მოტყუების ხარჯზე, არ მოაკლოთ მომხმარებლებს ხარისხიანი თაფლი და სტაბილური შემოსავლებიც არ მოგაკლდებათ.