ვფიქრობთ, მომგებიანი იქნება, თუ სამარშრუტო ტაქსების ნაწილი მობილური კვების ობიექტებად გადაკეთდება.
როგორც ცნობილია, იგეგმება არსებული სამარშრუტო ტაქსების ჩანაცვლება ახალი მოდელებით. ეს, სავარაუდოდ შეამცირებს ქალაქში მოძრავი ძველი მიკროავტობუსების რიცხვს. სწორედ ძველი მოდელის მფლობელები შეიძლება დაინტერესდნენ, მათი კუთვნილი ავტომობილების გამოსაყენებლად სხვა რა ალტერნატივები არსებობს.
მთავარი გადასაჭრელი პრობლემა არის მიკროავტობუსების გადაკეთება და აღჭურვა ისე, რომ არ დაირღვეს სანიტარული და უსაფრთხოების ნორმები. ასევე, კარგი იქნება, თუ გარედანაც შეიღებება მიკროავტობუსები, ან ერთნაირი ნახატები გაეკვრება, რომ ისინი ადვილად გამოირჩეოდეს სხვა მიკროავტობუსებისგან.
მსგავსი ტიპის მიკროავტობუსში შეიძლება განთავსდეს ნებისმიერი ტიპის სწრაფი კვების ობიექტი. მაგალითად, ზაფხულში იგი ჩამოსასხმელი ლუდის, ან სანაყინე ობიექტებად გამოიყენებოდეს. ზამთარში ცხელი საკვებით და სასმელით მომსახურება შესთავაზოს.
პროდუქციის გასაყიდად საჭიროა ხალხმრავალი ადგილი შეირჩეს. მაგალითად უნივერსიტეტები - სტუდენდების აქტიურობის პერიოდში, სავაჭრო წერტილები (ბაზრობები), საღამოს თავშეყრის ადგილები. ასევე შეიძლება, წელიწადის პერიოდების მიხედვით, სხვა ქალაქებში გადანაცვლება.
თუ შეძლებთ ხარისხიანი მომსახურების და მისაღები ფასის უზრუნველყოფას, მსგავსი მობილური ბიზნესი ნამდვილად მოიტანს მოგებას.
გისურვებთ წარმატებებს.