Home »

ობამა Coca-Cola–სა და McDonald's–ის რეკლამის წინააღმდეგია


აშშ–ის პრეზიდენტის ადმინისტრაციამ რეკლამის სპეციალისტებსა და მარკეტოლოგებს მოუწოდა, შეზღუდონ იმ რეკლამის რაოდენობა, რომელიც ბაზარზე ბავშვების ჯანმრთელობისთვის საშიში პროდუქტების რეალიზაციას უწყობს ხელს. რეკომენდაციას ნებაყოფლობითი ხასიათი აქვს.
მავნე საკვებად კი ხელისუფლებამ მიიჩნია მაღალი ცხიმიანობის, შაქრისა და მარილის შემცველი პროდუქტები. პრეზიდენტის ადმინისტრაციის აზრით, ასეთი ზომა ამერიკელი ბავშვების ჯანმრთელობას გააუმჯობესებს და მათ შორის გასუქების პრობლემას შეამცირებს.
ასეთი რეკლამის აუდიტორიას 2–დან 17 წლამდე ასაკის ბავშვები წარმოადგენენ. კომპანიებს შორის, რომელთა მუშაობაზეც შესაძლოა პრეზიდენტის ადმინისტრაციამ იქონიოს გავლენა, Coca-Cola და McDonald's–ი არიან.
თუ კომპანიები მთავრობის წინაშე დათმობებზე წავლენ, სამომხმარებლო რეკლამის რაოდენობა შემცირდება.
იმ შემთხვევაში კი, თუ მწარმოებლები და მარკეტოლოგები მთავრობის წინადადებას არ გაითვალისწინებენ, აშშ–ის ხელისუფლებამ შეზღუდვები შესაძლოა კანონპროექტის დონეზე დააწესოს.
საბავშვო საკვების მწარმოებლების მიმართ საკვებ პროდუქტებში მავნე ნივთიერებების შემცველობის გამო პრეტენზიები არაერთხელ გამოთქმულა.
კატეგორია: