გაძვირდება თუ არა “პროქტერ ენდ გემბლის” პროდუქცია საქართველოში? შეგახსენებთ, რომ „პროქტერ ენდ გემბლი“ მსოფლიოს მასშტაბით პროდუქციას აძვირებს. გაძვირება 3–დან 7%–ის ფარგლებში იქნება. საქართველო “პროქტერ ენდ გემბლის” ერთ-ერთი აქტიური მომხმარებელია.
კომპანიის ოფიციალური წარმომადგენლის მიერ რადიო “კომერსანტისთვის” გამოგზავნილ ოფიციალურ წერილში ნათქვამია, რომ ბოლო პერიოდში საგრძნობლად გაძვირდა ნედლეული. წერილიდან ირკვევა, რომ “ცალკეულ შემთხვევებში კომპანიას შესაძლოა მოუხდა ფასების ზრდის ასახვა საკუთარ პროდუქციაზე. ზოგ შემთხვევაში ეს აისახა რაოდენობის შემცირებაზე და ფასები უცვლელი დარჩა”. წერილში ნათქვამია, რომ ფასების ცვლილება ცალკეულ მიმართულებებზე შეიძლება მომავალშიც აისახოს. „პროქტერ ენდ გემბლის” წარმომადგენელი არ აკონკრეტებს, შეეხება თუ არა ეს საქართველოსაც. ინფორმაციისთვის: თბილისურ სუპერმარკეტში “პროქტერ ენდ გემბლის” ყველაზე მოთხოვნად პროდუქტებზე ფასების ზრდა არ დაფიქსირებულა.