პროექტში - "კომპიუტერები ყველას" "თიბისი ბანკიც" ჩაერთო

პროექტის "კომპიუტერები ყველას" ფარგლებში, "თიბისი ბანკი" მომხმარებელს დაბალ საპროცენტო განაკვეთსა და ექსკლუზიურ პირობებს სთავაზობს.
კომპიუტერის შეძენის მსურველებს ბანკის განვადებით სარგებლობა დღეიდან შეუძლიათ.
"პროექტის - "კომპიუტერები ყველას" ხელშეწყობის მიზნით, "თიბისი ბანკმა" წლიური საპროცენტო განაკვეთი მინიმუმამდე შეამცირა და განვადების სპეციალური პირობები შეიმუშავა, რომლებიც მოსახლეობის ყველაზე ფართო ფენისთვის არის განკუთვნილი. კერძოდ, პროექტის ფარგლებში, ბანკი განვადებას გასცემს როგორც სტაბილური სამუშაო ადგილის მქონე, ასევე თვითდასაქმებულ მომხმარებელზე, რაც იმას ნიშნავს, რომ "თიბისი ბანკის" განვადებით, კომპიუტერები უკვე ყველასთვის ხელმისაწვდომი გახდა", - აცხადებენ ბანკში.
"თიბისი ბანკის" განვადებით კომპიუტერების შეძენა შესაძლებელია მაღაზიებში "ალტა" და "ალგორითმი", შემდეგი პირობებით: განვადების მაქსიმალური მოცულობა - 3 000 ლარი; თანამონაწილეობის თანხა - 0% -დან; განვადების ვადა - 3 დან 24 თვემდე. განვადება გაიცემა მხოლოდ პირადობის მოწმობის საფუძველზე.
ამ დრომდე პროექტში - "კომპიუტერი ყველასთვის" მხოლოდ "ტაოპრივატ ბანკი" მონაწილეობდა.